Revelatio atque Institutio Ordinis Sancte Trinitatis.

Gaguinus, Robertus  [Gaguin, Robert]

This brief account of the Order’s foundation and approbation is first found in De origine et gestis francorum compendium of Robert Gaguin, Trinitarian Major Minister during the last quarter of the 15^th century.

Text:   Gaguinus, Robertus  [Gaguin, Robert],  De origine et gestis francorum compendium  (Paris:  1497)  lib. VI, f. XLv.
Editions:  Gaguinus, Robertus [Gaguin, Robert], De francorum regum gestis annales (Paris:  1528) ff. CCIr-v. Antonin de l’Assomption,  Les origines de l’Ordre de la Très Sainte Trinité d’après les documents  (Rome:  1925) 137-138, n. 37.  Marchionni, Ignazio,  Note sulla storia delle origini dell’Ordine della SS. Trinità  (Roma: 1973) 336-337, n. 60.

Revelatio atque institutio ordinis sancte Trinitatis.

  Sub hoc Innocentio romano pontifice, ordo fratrum sancte Trinitatis de redemptione captivorum, auctoribus Ioanne de Mata et Felice anachorita, initium cepit.  Qui postquam apud Cervum frigidum, Meldensis teritorii, solitariam diu vitam egissent, per quietem admoniti, pontificem romanum convenire, a quo vite modum acciperent, cum Innocentium adiisent, cognoverunt pontificem simili revelatione fuisse divinitus instinctum.  Quamobrem a pontifice benignissime excepti sunt.  Et quinto kalendas februarias, cum dies festus Agnetis secundo agitur, Innocentius rem divinam faciens, dum divinam eucharistiam circumstantibus se ostendit, angelum Dei videt candore multo fulgentem, cancellatis manibus duos captivos tenentem, christianum unum, alterum maurum, tanquam eos commutaret.  Cui angelo crux rubri et asuri coloris ad pectus eminabat.  Quo viso et re divina confecta, anachoritas ad se vocans.  Iam, inquit, filioli, animadverto Dei spiritu vos duci.  Conficiam vobis indumenta exemplo visionis que michi divina celebranti innotuit.  Igitur, consutis tunicis Ioannem Felicemque candidis vestibus decoravit superaddita cruce, qualem angelus ostendisset.  Additque novo Ordini titulum de Trinitate et redemptione captivorum, cui negocium imponit captivos a male credentibus christianos liberandi.  Eius rei simulacrum Rome in Celio monte apud Sanctum Thomam de Formis visitur, ubi ecclesiam divine Trinitati Innocentius extruxit.