| Home | Introduction
|
Abbreviations
|
Archives
|
Bibliography
|
Biography
|
Calendar
|
Family
| Houses | Images
|
Literature
| Liturgy
|
Miscellany
| News
Items
|
Ransoming
| Rule
|
Statutes
| Studies
| Links
|
|
(unknown medieval author)
|
|
This account of the Order’s foundation and approbation is first found in the 15th century manuscript register which comes from the Trinitarian house of St. Catherine at La Perrine in Normandy (France). Text: Bibliothèque
Nationale de France, Paris: ms.
lat. 9753 < La Perrine register > ff. 10v- 11r. Hoc fuit initium et causa quare ordo iste Sancte Trinitatis scilicet et Captivorum institutus fuit, et tali miraculo et revelatione inventus. Erat quidam bonus clericus Parisius regens in theologia, nomine Prepositus, et hic quasi philosophus reputabatur; sub quo alius magister cepit et rexit Parisius in theologia, cuius nomen erat Iohannes Provincialis. Hic erat vir timens Deum et nocte dieque serviebat ei. Qui a primo evo firmum propositum habuit intrandi aliquam religionem sed quam nescivit distincte. Hic a sociis suis, quasi sedulus erat in servicio Dei, non pauca sepe sustinebat opprobria. Qui cogitans qualiter pacem habere cum sociis suis et Deo servire posset, se ordinari in sacerdotem proposuit et fecit, ut causam rationabilem dicendi horas haberet et orandi. Qui affectuose et indesinenter orabat ut Dominus ostenderet ei religionem. Hic autem, cum Missam suam primum celebrare debuit, oravit dominum episcopum Parisiensem et abbatem Sancti Victoris Parisiensis et magistrum suum Prepositum ut interessent. Quid plura? Venit dies qua celebrare debuit; cui celebrationi omnes magnates Parisienses interfuerunt, et celebravit. Cum vero ad secretum Misse pervenit, precatus est Dominum ut, si placeret ei, ostenderet qualem ordinem salvifice intraret. Qui vero, cum oculos in celum erigeret, vidit maiestatem Dei et Deum tenentem in manibus suis duos viros habentes cathenas in tibiis, quorum unus niger et deformis apparuit, alter macer et pallidus. Qui cum diu moratus esset circa sacramentum, circumstantes, scilicet episcopus et abbas et magister Prepositus cuius [sic], et ceteri mirabantur quidnam esset. Et aspicientes in celum idem episcopus et abbas et magister Prepositus idem viderunt, et glorificabant Dominum, et postea ex[c]itaverunt eum et exurgens celebravit; et Missa celebrata, interrogaverunt eum quid vidisset, et confessus est quod vidit, et laudavit Dominum, et ipsi similiter quod viderant vidisse confessi sunt. Que visa denotantes inter se et ipsum episcopum Parisiensem et abbatem Sancti Victoris, hanc regulam iuxta quam vivere debeant instituerunt et cetera que in regula continentur. Postea episcopus et ceteri regulam predictam a domino papa fore optantes confirmatam, scripsit dominus episcopus domino pape, dicens quod salvifice dictarum latoris litterarum posset credere que vera erant ea que viderat, et tradidit litteras magistro Iohanni Provinciali. Qui, quam citius potuit iter suum arripuit et Romam petiit. Sed dum iret, venit per locum quemdam qui vocatur Cervusfrigidus. Ibi quatuor heremite habitabant qui interrogaverunt assidue quo tenderet et quare Romam peteret; causam eis indicavit. Qui letantes de tali rumore, si causam et ordinem ad effectum perducere posset, se subiectos et sua Deo et ordini optulerunt. Quid plura? Ipse magister ad Apostolicam Sedem veniens affatus est cum domino papa eique monstrans litteras testimonii sui, omnia que viderat enunciavit vel enarravit. Qui ei credere nolens et eum et episcopum talia testificantem pro stultis reputavit. Quo facto, reversus est Parisius. Deinde non multum post, domino pape celebranti apparuit visio qualis magistro Iohanni apparuerat. Qui dolens eo quod petitioni eius non satisfecerat, misit nuntios ut, si possent eum invenire, ad se citius revocarent; et non invenerunt. Tunc dixit dominus papa: Dominus mittat eum ad me. Postea vero ille sanctus homo petens Romam affatus est cum domino papa et quod voluit impetravit. Deo gratias. Anno Domini millesimo centesimo nonagesimo et otto [sic] incepit Ordo Sancte Trinitatis.
|
|
|