|
Text:
see Summa Musice: A Thirteenth Century Manual for Singers,
edited by Christopher Page in Cambridge Musical Texts and Monographs
(Cambridge: Cambridge University Press, 1991) pp. 206-207.
Amplius in musica sunt articuli decemnovem: octo in gravibus, septem in
acutis, et quatuor in peracutis. Similiter in ecclesia sunt
gradus quidam inferiores, quidam superiores, quidam vero medii predictorum
in quibus ab orthodoxis Deo iugiter ministratur. Primus
gradus est fidelium et in caritate manentium laicorum.
Secundus gradus est itinerantium peregrinorum. Tertius est
Ordo Fratrum cum Gladio, quartus Templariorum, quintus Hospitalariorum,
sextus Ordinis Sancte Trinitatis, septimus Domus Teutonicorum, octavus
Ordinis Leprosorum, e hii octo articuli[s] in gravibus comparabiles esse
videntur. Item sunt septem ordines in ecclesia unde articulis
consimiles in acutis. Primus est ordo secularium clericorum, secundus
Sancti Augustini, tertius Sancti Benedicti, quartus Sancti Bernardi, quintus
Predicatorum, sextus Ordo Sancti Guillelmi, septimus Sancti Francisci; hii
iam dicti acutis merito comparantur quia sunt gravibus altiores. Item
gradus sunt comparabiles in ecclesia quatuor peracutis articulis.
Primus est barbarorum, secundus anachoritarum, tertius
heremitarum, quartus christianorum a paganis vel hereticis captivatorum
[sic].
Hii habent similitudinem cum peracutis quia superexcellunt predictos in
tribulatione et in austeritate penarum. Claves in musica sunt signa
specialium suorum articulorum; sic et in ecclesia sunt habitus dictorum
ordinum speciales per quos ipsi ordines predicti abinvicem discernuntur.
|